Дмитрий Попко Загребда уч соат давом этган баҳсда ғолиб чиқди
ASTANА. Кazinform - Қозоғистонлик теннисчи, дунёнинг 244-ракеткаси Дмитрий Попко Загребда (Хорватия) бўлиб ўтаётган челленжер турнирининг 1/8 финалига чиқди.
Қозоғистонлик теннисчи биринчи даврада дунё рейтингида 274-ўринни эгаллаб турган аргентиналик Ренцо Оливога қарши қийин баҳс ўтказди.
Р.Оливога биринчи партиядаги тай-брейкда омад кулиб боқди - 7:6 (7:2). Бироқ шундан сўнг Д.Попко ўйин тизгинини ўз қўлига олди ва “камбэк”ни амалга оширди – 6:2, 7:5.
Уч соат 13 дақиқа давом этган шиддатли баҳсда қозоғистонлик спортчи 5 эйс билан бирга 13 та брейк-пойнтдан 6 тасини қайд этди. Оливо 5 та эйс амалга оширди ва 7 та брейк-пойнтдан 3 тасини ишлатди.
Дмитрий Попко чорак финалга чиқиш учун дунёнинг 204-ракеткаси, корт эгаси Дино Прижмич билан куч синашади.
Эслатиб ўтамиз, аввалроқ Амир Омарханов Ролан Гарросда ўсмирлар ўртасида чорак финалга йўлланма олгани ҳақида хабар берган эдик.
