Дэвис кубоги: Қозоғистон-Болгария ўйинига қуръа ташланди
Софияда 16-17 сентябрь кунлари Дэвис кубоги плей-офф босқичида бўлиб ўтадиган Болгария – Қозоғистон учрашувига қуръа ташлаш маросими бўлиб ўтди, деб хабар беради Kazinform мухбири.
Қозоғистон теннис федерациясининг хабар беришича, мусобақанинг биринчи куни, Астана вақти билан соат 15:00 да биринчи бўлиб Қозоғистоннинг иккинчи, жаҳоннинг 123-ракеткаси Тимофей Скатов кортга чиқади.
Т.Скатов рейтингда 179-ўринда бораётган Димитар Кузманов билан куч синашади.
Йигирма дақиқадан сўнг навбат Қозоғистоннинг биринчи, дунёнинг 29-ракеткаси Александр Бубликка келади. У рейтингда 569-ўринни эгаллаб турган Янаки Милев билан куч синашади.
Ғолиб жамоа келаси йилнинг февраль ойида Дэвис кубоги финал босқичига чиқиш учун бошқа рақибга қарши яна бир ўйин ўтказади.
