Chevron компанияси Қозоғистон иқтисодиётига 250 миллион доллар сармоя киритади
NUR-SULTAN. Kazinform – ҚР Энергетика вазири Нурлан Ноғаев мамлакат билан ҳисобот учрашувида Chevron томонидан ташкил этилаётган тўғридан-тўғри инвестиция жамғармаси миқдорини айтиб ўтди, деб хабар беради Kazinform.
Вазирнинг айтишича, инвестиция киритиш йўналишидаги ишларни давом эттириш учун Chevron билан аниқ келишувга эришилган.
«Биз Chevron билан тўғридан-тўғри инвестиция жамғармасини ташкил этиш устида ишлаяпмиз. Тўғридан-тўғри инвестиция фондлари, яъни 250 миллион доллар, аввало, ахборот технологияларини ривожлантиришга, экологик муаммоларни ҳал қилишга ва Қозоғистон саноатини ривожлантириш ва қўллаб-қувватлашга сарфланади. Айни пайтда ушбу масала фаол равишда ҳал қилинмоқда», - деди энергетика вазири.
