Чегаравий сайёҳлик маршрутлари хорижликлар орасида талабга эга - ҚР Туризм вазирлиги
ASTANA. Kazinform - Трансчегаравий туристик маршрутлар бугунги кунда ўта жозибадор ва хорижликлар орасида катта талабга эга. Бу ҳақда Қозоғистон Республикаси Туризм ва спорт вазирлиги маълум қилди, дея хабар беради Kazinform мухбири.
«Ўзбекистон ташаббуси билан 2020 йилда Алмати шаҳрида «Алтын алаң» янги туристик йўналиши лойиҳаси тақдимоти ўтказилди. Турли форумларда умумий трансчегаравий йўналишларни ривожлантириш масаласи кўтарилиб, муҳокама қилинмоқда. 2022 йилда Туркий давлатлар ташкилоти форумида юқоридаги йўналиш бўйича «Табаррук-зиëрат»ни ривожлантириш бўйича аниқ чора-тадбирлар режаси тасдиқланган эди», - дея таъкидлади вазирлик агентлик мухбири сўровига жавобан.
Вазирликнинг тушунтиришича, одатда биринчи навбатда маршрут аниқланади ва зарур ривожланиш чоралари кўрилади. Келажакда ҳақиқий талабга мувофиқ йўналишга ўзгартиришлар киритилиши ёки туроператорлар туристларга маршрутнинг турли участкаларини таклиф қилишлари мумкин.
«Айни пайтда бир қатор туроператорлар трансчегаравий йўналишларни таклиф қилмоқда. Бу турларга, айниқса, хорижлик сайёҳлар орасида талаб катта. Қозоғистон ва Ўзбекистон ўртасидаги трансчегаравий сайёҳлик йўналишини ривожлантириш ва тарғиб қилиш бўйича катта ишлар амалга оширилмоқда. Туроператорлар ушбу йўналишда турларни фаол таклиф қилмоқда ва сайёҳларнинг қизиқишини оширмоқда», - дея қўшимча қилди вазирлик.
Қайд этиш жоизки, «Алтын алаң» сайёҳлик поездининг янги йўналиши Астана, Алмати, Туркистон, Отирар, Тараз, Чимкент, Тошкент, Самарқанд, Бухоро ва Хива шаҳарларини боғлайди.
Муаллиф: Серик Сабеков
