Бугун Қозоғистонда Миннатдорчилик куни
ASTANA. Kazinform – 1 март куни Қозоғистонда Миннатдорчилик куни нишонланади.
Байрам Қозоғистон халқи ассамблеяси ташкил топган кунга бағишланган бўлиб, 2016 йилдан буён мамлакатда нишонланиб келинмоқда. 1995 йил 1 мартда Қозоғистон халқи ассамблеясини ташкил этиш тўғрисидаги фармон имзоланди.
Миннатдорчилик куни кўп миллатли мамлакат бирлиги рамзига айланди. Байрам ўсиб келаётган ёш авлодда бир-бирига нисбатан бағрикенглик, ҳурмат ва меҳр-оқибат туйғуларини шакллантириш, Қозоғистонда миллатлараро тотувлик ва миллатлараро муносабатларни мустаҳкамлашга қаратилган.
Миннатдорчилик куни муносабати билан турли байрам ва расмий тадбирлар, жумладан, кўргазмалар, концертлар, театрлаштирилган томошалар ташкил этилади.
