Бейбит Жуқаев Мехикодаги мусобақани 19 эйс билан бошлади
ASTANA. Kazinform – Қозоғистонлик, дунёнинг 201-ракеткаси Бейбит Жуқаев Мехико шаҳрида (Мексика) ўтказилаётган челленжер турнирини муваффақиятли бошлади.
Мусобақанинг 5-ракеткаси сифатида рўйхатдан ўтган 23 ёшли қозоғистонлик теннисчи илк учрашувини дунё рейтингида 359-ўринни эгаллаб турган Зимбабве вакили Бенжамин Локка қарши ўтказди.
Биринчи ўйинда Б.Лок 6:4 ҳисобида ғалаба қозонган бўлса-да, Б.Жуқаев ўйин тизгинини ўз қўлига олди ва “камбэк”ни амалга оширишга муваффақ бўлди – 6:3, 6:4.
Икки соату 25 дақиқа давом этган баҳсда Бейбит 19 та эйс амалга оширди ва 6 та брейк-пойнтдан 2 тасини ишлатди. Рақиб 1 та эйс, 1 та брейкдан (3 та брейк-пойнт) ошиб кета олмади.
Байбит Жуқаев чорак финалга чиқиш учун рейтингда 685-ўринни эгаллаб турган 18 ёшли мексикалик Родриго Пачеко Мендес билан беллашади.
Эслатиб ўтамиз, аввалроқ Тимофей Скатов Италияда ўтаётган челленжер турнирида иккинчи даврага чиққани ҳақида ёзган эдик.
