Бангладешда чақмоқ уриши оқибатида тўққиз киши ҳалок бўлди
ASTANA. Kazinform – Бангладешда икки соатдан камроқ вақт ичида чақмоқ уриши оқибатида тўққиз киши ҳалок бўлди, дея хабар беради Kazinform Xinhua агентлигига таяниб.
Сунамганж, Маулвибазар ва Силхет туманларининг турли округларида якшанба куни кучли ёмғир пайтида маҳаллий вақт билан соат 10:00 дан 11:00 гача ўлим ҳолатлари қайд этилган.
Ўлимга олиб келадиган ҳодисаларнинг аксарияти қишлоқда одамлар далада ишлаётган пайтда содир бўлган.
Йилнинг бу вақтида Бангладешда қуруқ ва ёмғирли даврлар алмашиниши оқибатида, чақмоқ уришидан ўлим ҳолатлари тез-тез учрайди.
Сўнгги бир неча йил ичида бу зич жойлашган Жанубий Осиё давлатида ҳар йили чақмоқ уриши оқибатида юзлаб ўлим ҳолатлари қайд этилган.
Мутахассисларнинг таъкидлашича, бу иқлим ўзгариши билан боғлиқ.
Фото: aa.com.tr
