Аргентинада кучли қурғоқчилик туфайли чорва моллари нобуд бўлмоқда
ASTANА. Kazinform – Аргентинада узоқ давом этган қурғоқчилик туфайли чорва моллари нобуд бўлмоқда. Санта-Фе провинциясида 4 ойдан бери ёмғир ёғмади, дея хабар беради Kazinform Еuronewsга таяниб.
Бу вақт ичида маҳаллий фермер хўжаликларидан бирининг уч минг сигирлари нобуд бўлди.
Маҳаллий экспертлар агар қурғоқчилик давом этса, Аргентина сигирларининг ярми нобуд бўлиши мумкинлигини тахмин қилмоқда.
«Март-апрел ойларида ёмғир ёғмаса, мамлакатимизда озиқ-овқат соҳасида жиддий муаммо юзага келади», - дейди фермерлар.
Шунингдек, мамлакатда қурғоқчилик туфайли табиий ёнғинлар кўпайган.
Эслатиб ўтамиз, Аргентинада қурғоқчилик уч йилдан бери давом этмоқда.
Фото: euronews.com
