Анна Данилина Австриядаги мусобақанинг чорак финалига йўл олди
ASTANА. Кazinform – Қозоғистоннинг жуфтлик баҳсларида биринчи, дунёнинг 20-ракеткаси Анна Данилина Линц (Австрия) WТА 500 турнирининг чорак финалига йўл олди.
Турнирда иккинчи рақам остида таснифланган қозоғистонлик теннисчи илк даврада россиялик Ирина Хромачева билан чехияликлар Анастасия Детюк — Мириам Скохга қарши баҳс олиб борди.
Қозоғистон-Россия жуфтлиги 6:4, 6:4 ҳисобида зафар қучди.
Бир соату 20 дақиқа давом этган ўйинда Данилина ва Хромачева 13 та брейк-пойнтдан 5 тасини ва 1 эйсни фойдаланишга муваффақ бўлишди. Чехиялик жуфтлик 1 эйс ва 3 та брейкдан фойдаланди.
Анна Данилина – Ирина Хромачева ярим финал йўлланмаси учун россиялик Анастасия Потапова – Яна Сизикова билан беллашади.
Эслатиб ўтамиз, аввалроқ теннис бўйича Қозоғистон аёллар терма жамоасининг жаҳон чемпионатидаги рақиблари маълум бўлгани ҳақида хабар берган эдик.
