Алматида ўт ўчирувчи тасвирланган деворий сурат пайдо бўлди
ALMATY. Kazinform - Шаляпин ва Саин кўчалари чорраҳасида жойлашган беш қаватли уй деворида ўт ўчирувчи-қутқарувчи тасвирланган деворий сурат пайдо бўлди, деб хабар беради Kazinform мухбири.
«Композицияда мардлик ва жасорат тимсоли сифатида ёнғин фалокатига қарши курашаётган қаҳрамон тасвирланган. Сурат ҳар куни ўз ҳаётини хавф остига қўйиб, фуқаролар хавфсизлигини таъминловчи ўт ўчирувчилар ва қутқарувчиларнинг қаҳрамонона меҳнатининг яққол тимсолига айланади», - дейилади хабарда.
Департамент маълумотларига кўра, йил бошидан буён Алматилик қутқарувчилар томонидан 1,8 минг ёнғинни ўчириш операцияси амалга оширилган, 327 киши авария жойларидан эвакуация қилинган, ёнғин вақтида ва шаҳар сув ҳавзаларида 144 киши қутқарилган, шу жумладан 17 бола.
Муаллиф: Алма Муқанова
