Александр Бублик Уимблдон турнирини ғалаба билан бошлади
ASTANA. Kazinform – Қозоғистоннинг биринчи, дунёнинг 26-ракеткаси Александр Бублик Уимблдон турнирининг иккинчи босқичига йўл олди, деб хабар беради Kazinform мухбири.
Бунгача Галледа (Германия) ўтказилган АТР 500 турнирида ғолиб чиққан қозоғистонлик теннисчи «Уимблдон»да 23-ракетка сифатида рўйхатдан ўтганди.
А.Бублик биринчи босқичда дунё рейтингида 54-ўринни эгаллаб турган америкалик Маккензи Макдональд билан куч синашди.
Икки соату 49 дақиқа давом этган шиддатли беллашувда А.Бублик 24 та эйс амалга оширди ва 11 та брейк-пойнтнинг 4 тасидан фойдаланди. М.Макдональд 6 эйс, 1 брейк (4 брейк-пойнт) билан ажралиб турди.
Александр Бублик иккинчи босқичда яна бир америкалик, дунё рейтингида 48-ўринни эгаллаб турган ўйинчи Жеффри Жон Вулф билан куч синашади. У ўзининг илк учрашувида 158-ўриндаги франциялик Энзо Кокони 7:5, 6:3, 7:6 (7:4) ҳисобида мағлуб этди.
Ўтган йили А. Бублик Уимблдонда учинчи босқичга чиққанди.
Эркаклар ўртасидаги Уимблдон турнири 3-16 июль кунлари бўлиб ўтади. Турнирнинг бу йилги умумий мукофот жамғармаси 44,7 миллион фунт стерлингга етди, бу рекорд кўрсаткич ҳисобланади.
Муаллиф: Ғайсағали Сейтақ
