Александр Бублик Франциядаги турнирнинг ярим финалида ўйнайди
LYON. Kazinform – Қозоғистоннинг биринчи, жаҳоннинг 19-ракеткаси Александр Бублик Лион (Франция) АТР 250 турнирининг ярим финалига чиқди.
Мусобақанинг 2-ракеткаси сифатида рўйхатдан ўтган қозоғистонлик теннисчи чорак финалда жаҳон рейтингида 57-ўринни эгаллаб турган россиялик Павел Котовга қарши кортга чиқди.
Биринчи партияда тай-брейкда россиялик спортчи устун келди – 7:6 (7:4). Иккинчисида Бублик худди шу ҳисобда ғалаба қозонди - 7:6 (7:4).
Учинчи, ҳал қилувчи сетда Бублик ғалаба қозонди - 6:3.
Уч соату 10 дақиқа давом этган мусобақада Бублик 11 та эйс амалга оширди ва 8 та брейк-пойнтнинг 5 тасидан фойдаланди. Котов 17 та брейк-пойнтдан атиги 4 тасини ва 3 та эйсни қайд этди.
Александр Бублик финалга чиқиш учун францияликлар – дунёнинг 104-ракеткаси Юго Гастон ёки 117-ўриндаги Жованни Мпетчи Перрикар билан беллашади.
Эслатиб ўтамиз, аввалроқ Тимофей Скатов Германиядаги мусобақада ярим финалга чиққани ҳақида ёзган эдик.
