Александр Бублик АҚШдаги турнирнинг 1-ракеткасидан устун келди ва финалга чиқди
ASTANA. Kazinfrom – Қозоғистоннинг биринчи ва дунёнинг 82-ракеткаси Александр Бублик Феникс (АҚШ) “Челленджер” турнирида финалга чиқди.
Қозоғистонлик теннисчи ярим финалда дунёнинг 36-рақамли ўйинчиси ва ушбу турнирнинг 1-рақамли теннисчиси португалиялик Нуно Боржешни мағлуб этди. Бублик 6:3, 6:4 ҳисобида зафар қучди.
Бир соату 5 дақиқа давом этган ўйинда Александр 16 та эйс амалга оширди. Бундан ташқари, у 6 та брейк-пойнтнинг ярмидан фойдаланди. Боржеш 1 та эйс ва 1 та брейк (3 та брейк-пойнт) билан чекланди.
А. Бублик чемпионлик унвони учун финалда дунёнинг 80-ракеткаси бўлган 18 ёшли бразилиялик Жоао Фонсека билан тўқнаш келади. У рейтингда 76-ўриндаги япониялик Кей Нишикорини 6:3, 6:3 ҳисобида мағлуб этди.
Турнирнинг соврин жамғармаси 250 минг АҚШ долларини ташкил этади. Турнир ғолиби 38 420 доллар ишлаб олади ва 175 рейтинг очкосига эга бўлади.
