АЭС қуриладиган янги жойлар аниқланмади – ҚР Энергетика вазири
NUR-SULTAN. Кazinform - Атом электр стансиясини қуриш учун янги жойлар аниқланмаган. Бу ҳақда Қозоғистон Энергетика вазири Болат Ақшолақов маълум қилди, дея хабар беради Kazinform мухбири.
«Станцияни дуч келган жойга қуриш мумкин эмас. Бу шунчаки икки-уч ойлик иш эмас. Шунинг учун уни батафсил кўриб чиқиш муҳимдир. Ходимлар ва сув таъминотидан ташқари, унга тактик ва сейсмологик нуқтаи назардан қараш керак. Ҳозирча янги жойлар аниқланмади. Чунки станция қурадиган жойлар кўп эмас. Шунинг учун кенг қамровли тадқиқотлар ўтказиш керак. Яъни, бу ишлар ҳар қандай қурилишдан олдин батафсил олиб борилади», -* деди Б. Ақшолақов Мажилисда журналистлар саволларига жавобан.
Унга кўра, иккита жой кўриб чиқилмоқда. Бир манзил - Балхаш, иккинчиси - Курчатов.
«Дунёга машҳур технологиялар нафақат Россияда, балки Франция, АҚШ, Япония ва Жанубий Кореяда ҳам мавжуд. Ҳозирги вақтда Хитой технологияси ҳам ривожланмоқда. Хусусан, энг яхши ва хавфсизни танлаймиз», - деди вазир.
Шу муносабат билан у атом электр стансияси қуриш юзасидан фақат тадқиқот олиб борилаётганини эслатди.
Муаллиф: Руслан Ғаббасов
