2-4 июн кунлари Қозоғистонда кескин совуқ бўлиши кутилмоқда
«Атлантика ҳавосининг совуқлигидан озиқланган шимолий антициклон республика ҳудуди бўйлаб ҳаракатлана бошлайди ва бу ҳаво ҳароратининг сезиларли даражада пасайишига олиб келади.
Шимолий ҳудудларда кечаси ва эрталаб тупроқ юзасида 2 даражагача совуқ бўлиши мумкин. Ҳатто жанубий вилоятлар ҳам 4 июнга қадар совуқ антициклон яқинлашаётганини сезади. Кундузи термометрлар 18-23 даражагача пасаяди», — дея таъкидлади синоптиклар.
