15 ёшли қозоғистонлик теннисчи катталар ўртасидаги халқаро турнирга йўлланма олди
ASTANA. Kazinform – 15 ёшли Зара Даркен илк бор катталар ўртасидаги халқаро турнирга йўлланма олди, деб хабар беради Kazinform мухбири.
Қозоғистон теннис федерацияси хабар беришича, З.Даркен ITF ва WTA рейтингларига киритилмаган бўлса-да, Италиянинг Соларино шаҳрида ITF World Tennis Tour W15 туркумига кирувчи турнирнинг саралаш босқичларини муваффақиятли якунлади.
Зара саралашнинг биринчи босқичида италиялик Джорджи Паттидан 6:1, 6:2 ҳисобида устун келди. Саралаш баҳсларининг финалида эса яна бир корт эгаси Камилла Лерволинони 6:1, 6:4 ҳисобида мағлуб этди.
Асосий баҳсда Ақтўбе теннис мактаби битирувчиси жаҳон рейтингида 1236-ўринни эгаллаб турган 25 ёшли британиялик Абигейл Амос билан куч синашади.
Муаллиф: Ғайсағали Сейтақ
Фото: ktf.kz
