Ҳар бир қозоғистонлик ойига 17 дона тухум истеъмол қилади
Қозоғистонда 8 ойда 3,3 миллиард донадан ортиқ тухум етиштирилди, дея хабар беради Кazinform Миллий статистика бюросига таяниб.
2023 йилнинг январь-август ойларида Қозоғистонда 3328,1 миллион дона товуқ тухуми етиштирилди.
Ҳудудлар бўйича товуқ тухуми етиштириш бўйича энг юқори кўрсаткич Ақмола вилоятида – 490,8 миллион донадан ортиқ.
Шимолий Қозоғистон (483,4 миллион дона) ва Қарағанди вилояти (456,4 миллион дона) дастлабки учликдан жой олган.
Шуни таъкидлаш керакки, озиқ-овқат истеъмоли бўйича аҳоли жон бошига ўртача ойига 17 дона тухум тўғри келади.
Ўнта тухумнинг ўртача нархи 461 тенге (I тоифа).
